1. Bosh sahifa

VILOYAT HOKIMI "CLOVER HOLDING KUWAIT" KOMPANIYASI BOSH DIREKTORINI QABUL QILDI

×

Viloyat hokimi Xayrullo Bozorov "Clover Holding Kuwait" kompaniyasi bosh direktori Ali Mohamedni qabul qildi

Uchrashuvda farmatsevtika, tibbiyot sohalarida viloyatimizda amalga oshirilishi rejalashtirilayotgan istiqbolli loyihalar muhokama qilindi.

Qo’qon shahrida o’tkazilgan biznes-forum samarali o’tganligini qayd etgan Ali Mohamed, ushbu forum natijasida Farg’onada tibbiyot sohasida yangi loyihalarga investitsiya kiritish istagi paydo bo’lgani haqida ma'lum qildi. Viloyatimizda meditsina chiqindilarini qayta ishlash zavodi qurish bilan birga tibbiyotning boshqa yo’nalishlari bo’yicha ham hamkorlik qilish taklifini bildirdi.

Viloyat rahbari suhbat davomida Onkologiya, yurak qon-tomirlari va endokrinologiya muhim yo’nalishlardan ekanligini qayd etib, ushbu yo’nalishlarda zamonaviy jahon standartlariga mos shifoxonalar qurish zarurligi va bu bo’yicha hamkorlikni taklif qildi.

Bu borada tibbiyot sohasida loyihalarda faol ishtirok etayotgan tadbirkorlar bilan hamkorlikda ishlash taklifi bildirildi. Bojxona, soliq imtiyozlari bo’yicha ham ma'lumot berildi.

Yaqin kunlarda quvaytlik mutaxassislar guruhi viloyatimizga tashrif buyurib, bildirilgan takliflar bo’yicha o’rganishlari va hamkorlikda yangi loyihalarga kirishilishiga kelishildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram