1. Bosh sahifa

VILOYAT HOKIMI XAYRULLO BOZOROV SAUDIYA ARABISTONI PODSHOHLIGINING VISION INVEST KOMPANIYASI VAKILLARINI QABUL QILDI

×

Viloyat hokimi Xayrullo Bozorov Saudiya Arabistoni Podshohligining Vision invest kompaniyasi vakillarini qabul qildi.

Uchrashuvda kompaniya tomonidan viloyatimizda qishloq xo’jaligi, farmatsevtika va tekstil sohalariga ixtisoslashgan yirik logistika markazini qurish bilan bog’liq masalalar muhokama qilindi.

Viloyat hokimi O’zbekiston-Saudiya Arabistoni munosabatlari yangi bosqichga chiqqanligini ta'kidlab, hududlararo hamkorlik faollashayotganini qayd etdi. Vision invest kompaniyasi tomonidan yurtimizda amalga oshirilayotgan qo’shma loyihalarni e'tirof etdi.

O’zbekistonda so’nggi yillarda amalga oshirilgan o’zgarishlarni yuqori baholagan kompaniya vakili Bajaral Abdulraxman, Farg’onada industriya, sanoat sohasidagi loyihalarga o’z hissasini qo’shish istagi borligini ma'lum qildi.

Investorlarga viloyatning demografik, ijtimoiy-iqtisodiy, investitsion, sanoat va qishloq xo’jaligi bo’yicha salohiyati haqida ma'lumotlar berildi. Investorlar uchun yaratilayotgan sharoitlar, “Qo’qon” erkin iqtisodiy zonasi faoliyati haqida tanishtirildi. Har bir hududning o’ziga xos ixtisoslashuvi borligi ta'kidlandi. Investorlar qiziqtirgan tarmoq bo’yicha mablag’ yo’naltirib, ishlashlari mumkinligi qayd etildi. Qurilish sohasi bo’yicha ham yangi massivlar qurilayotganligi aytib o’tildi.

Kompaniya vakillari 2 kun davomida viloyatning imkoniyatlari, ishlab chiqarish salohiyati va boshqa tarmoqlarini o’rganishlari hamda qisqa fursatlarda hamkorlikda yangi loyihalarga kirishish bo’yicha takliflar ko’rib chiqilishiga kelishildi.

Vision invest kompaniyasi 2002 yilda tashkil etilgan. Kompaniya boshqaruvidagi aktivlarining qiymati 96 mlrd. dollarni tashkil etadi. Vision invest ACWA Power kompaniyasi aktsiyadori sanaladi va Saudiya Arabistoni, BAA va Ummondagi DXSh asosidagi loyihalarida yetakchi o’rinni egallaydi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram