Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
AYOLGA EHTIROM ...
2020-03-05 20:29:19 522
Farg’ona vodiyning marvaridi, ayollari ham uning tabiatiga mos. Viloyatning ayollari jamiyatning har bir sohasida ulkan ishlarni uddasidan chiqib kelganlar. Ana shunday jasoratli, mehnatkash ayol, buvaydalik fermer, O’zbekiston Qahramoni Patilaxon Ergasheva bo’ladilar.
Bugun 5 mart kuni viloyat hokimi Shuhrat G’aniyev, Oliy Majlis Senati a'zolari Enaxon Siddiqova, Topvoldi Xoldorov va viloyat faollari qahramon ayolning xonadoniga kirib bordilar. Patilaxon Ergashevani 8-mart-xalqaro xotin-qizlar kuni bilan tabriklab, bahor gullarini hadya etishdi. Viloyat dehqonlarining ustozlaridan biri bo’lgan “opa”ga uzoq umr, sihat-salomatlik tiladilar.
Bu tashrif tom ma'noda farg’onaliklarning nomini shon-sharaflarga burkagan, mehnat va matonatda o’zbek ayolining siymosiga aylangan Patila ayaga unutilmas shodlik hadya etdi.
- Jannatmakon yurtimizga ko’z tegmasin. Yurtimiz obod, xalqimiz tinch va farovon hayot kechirsin. Yurtboshimiz olib borayotgan oqilona va xalqparvar siyosatini doimo qo’llab-quvvatlaymiz. Farzandlarimiz ham ezgu ishlarimizning davomchilari bo’lishsin, xalqning qahramon farzandlari ko’payaversin, -deya duo qildi Patilaxon aya Ergasheva.
Ha, ayolga ehtirom, kelajakka, hayotga ehtiromdir. Vatan qahramonlarining hayot yo’llari yoshlarga ibrat bo’lib qolaveradi.
Farg’ona viloyati hokimligi Axborot xizmati
Facebook, Telegram, Veb sayt, YouTube
