Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
COVID-19: G’ALABAGA OZ QOLDI
2020-05-05 18:52:25 408
Koronavirus pandemiyasi tufayli yuzaga kelgan xavotirli vaziyatda infektsiyasidan sog’ayib chiqayotganlar safi kengayib borayotganligi odamlarni quvontirib, bemorlarga ishonch baxsh etmoqda. Malakali shifokorlar tomonidan xalqaro standartlar asosidagi davolash choralarining ko’rilayotgani esa ushbu yutuqlarning asosiy omili bo’lyapti.
Bugun, 5 may kuni viloyat shtabining ta'kidlashicha, yuqumli kasalliklar shifoxonasidan yana 47 nafar kasallikka chalingan bemorlar sog’ayib, reabilitatsiyaga yuborildi.
Shifo topganlarning 11 nafari Rossiyada bo’lib qaytgan, yana 11 nafari esa Turkiyadan charter reysida Farg’onaga olib kelingan va karantinga olingan. 1 nafar fuqaro Qirg’iziston Respublikasidan kirib kelgan. Ularda koronavirus infektsiyasi tasdiqlangach, shifoxonaga joylashtirilgan. Qolgan 24 nafari esa koronavirusga chalinganlar bilan muloqotda bo’lib, kasallikni yuqtirib olgan.
Ularning 36 nafari Farg’ona viloyatidan, 6 nafari Toshkent shahridan, 2 nafari Toshkent viloyatidan, qolganlari Navoiy, Samarqand viloyatlari va qo’shni Qirg’iziston Respublikasidan bo’lgan fuqarolardir.
Shunday qilib, viloyatda jami 131 nafar bemor kasallikdan xalos bo’ldi.
Farg’ona viloyati hokimligi Axborot xizmati
Facebook, Telegram, Veb sayt, YouTube
