1. Бош сахифа

ФАРҒОНА ВИЛОЯТИ ВА ТАТАРИСТОН ЎРТАСИДА САВДО-ИҚТИСОДИЙ АЛОҚАЛАР МУСТАҲКАМЛАНИБ, МИГРАЦИЯ СОҲАСИДА ҲАМКОРЛИК ЙЎЛГА ҚЎЙИЛАДИ

×

Вилоят ҳокимининг маҳаллий саноатни ривожлантириш масалалари бўйича ёрдамчиси Акмал Пўлатов бошчилигидаги делегация Россиянинг Татаристон Республикасида бўлиб ҳудудлараро тўғридан-тўғри ҳамкорлик кўламини кенгайтириш юзасидан қатор учрашувлар ўтказди.

Хусусан, Татаристон савдо-саноат палатасида ташкил этилган учрашув ҳам бу борада муҳим аҳамият касб этди. Учрашувда Фарғона вилояти ва Татаристон ўртасида савдо-иқтисодий алоқаларни янада ривожлантириш ва янги босқичга олиб чиқиш, Фарғона вилоятида ишлаб чиқарилган тўқимачилик, чарм-пойабзал ва қишлоқ хўжалиги маҳсулотларининг Татаристонга тўғридан-тўғри экспортини йўлга қўйиш, келгусида ҳукумат кўмаги билан Казань шаҳрида шоу-румлар очиш ҳамда кўргазмалар ташкил қилиш бўйича ўзаро ҳамкорлик жараёнлари муҳокама қилинди.

Татаристон Меҳнат, бандлик ва аҳолини ижтимоий муҳофаза қилиш вазирлигида ўтган учрашувда эса миграция соҳасида ҳамкорлик имкониятлари кўриб чиқилди.

Акмал Пўлатов бугунги кунда Фарғона вилоятида мономарказлар, касб-ҳунарга ўқитиш марказлари фаолияти йўлга қўйилганлиги ва уларда кўплаб йўналишлар бўйича малакали мутахассислар тайёрлаш учун барча имкониятлар яратилгани ҳақида ахборот берди. Ҳамкорлик босқичлари келишиб олинди.

Фарғона вилояти делегацияси Татаристон Инвестицияларни ривожлантириш агентлигида ҳамда Алабуга махсус иқтисодий зонаси ва ҳамда унинг қошидаги “Alabuga Polytech” инновацион муҳандислик коллежида ҳам бўлиб, бу ерда олиб борилаётган жараёнлар билан яқиндан танишдилар.

Вилоят делегациясининг Россияга ташрифи давом этмоқда.

Бизни ижтимоий тармоқларда кузатинг
Facebook, Telegram, Facebook, YouTube, Instagram