Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
“ВАТАН ТАРАҚҚИЁТИГА МЕНИНГ ҲИССАМ” ТАНЛОВИНИНГ ВИЛОЯТ БОСҚИЧИ БЎЛИБ ЎТДИ
2022-12-17 15:39:23 208
Аҳмад Фарғоний номидаги вилоят ахборот-кутубхона марказида Республика Маънавият ва маърифат маркази вилоят бўлими ҳамда масъул ташкилотлар ҳамкорлигида “Ватан тараққиётига менинг ҳиссам” танловининг вилоят босқичи бўлиб ўтди. Унда 15 ёшдан 30 ёшгача бўлган 100 нафарга яқин ўғил-қизлар иштирок этдилар.
Танловнинг шаҳар ва туман босқичларида қатнашган қарийб 900 нафарга яқин иштирокчилар орасидан саралаб олинган ғолибликка номзодлар “Тасвирий ва амалий санъат”, “Адабиёт ва публицистика”, “Миллий мақом ва миллий эстрада” йўналишларида ўз билим ва кўникмаларини, ижодий имкониятларини кўрсатдилар.
Истеъдодли, ташаббускор, ўз касбининг устаси бўлган иқтидорли ёшлар ҳакамлар ҳайъати томонидан муносиб баҳолаб борилди.
Эътиборлиси Президентимиз ташаббуси билан ёшлар маънавиятини юксалтириш ва уларнинг бўш вақтини мазмунли ташкил этиш бўйича жойларда 5 та муҳим ташаббус доирасида олиб борилаётган ишлар самараси танлов давомида ўғил-қизларнинг шижоат ва интилишларида ўз ифодасини топди.
Якунда Риштон туманидан Сарвиноз Абдуманнонова тасвирий ва амалий санъат, Қўштепа туманидан Абдулазиз Абдуҳошимов адабиёт ва публицистика, Қува туманидан Мухтасар Ҳожимуродова эса миллий мақом ва эстрада йўналишида биринчи ўринни қўлга киритди.
Тақдирлаш маросимида вилоят ҳокимининг ўринбосари Файзулло Қосимов иштирок этди ва яна бир бор ёшларни доимо ўқиб-ўрганишга, юртга муносиб фарзанд бўлишга чорлади.
Ғолибларга диплом ва эсдалик совғалари топширилди.
Бизни ижтимоий тармоқларда кузатинг
Facebook,
Telegram,
Facebook,
YouTube,
Instagram
