1. Bosh sahifa

HAMMA "ONALARGA EHTIROM" FESTIVALIGA!!!!!

×

Marg’ilon shahridagi “Ijodkorlar bog’i”da bugun soat 10:00 dan boshlab, viloyatimizda uchinchi bor o’tkazilayotgan “Onalarga ehtirom” festivalining viloyat bosqichi tantanalari boshlanib, xalq sayllariga ulanadi.

“Ijodkorlar bog’i”da shahar-tumanlar vakillari o’zlari uchun ajratilgan maxsus bo’limlarda har bir hududning o’ziga xos jihatlari, onalarga bo’lgan hurmat-ehtiromni o’zida ifoda etgan stendlarni joylashtirib, festivalga katta tayyorgarlik ko’rmoqda. Bog’ hududidan folkor jamoalari, san'atkorlar, hunarmandlar ham joy oladilar.

Festival doirasida har bir hudud vakillari tomonidan milliy va zamonaviy liboslar ko’rgazmasi, onalarga bag’ishlangan videoroliklar, dil izhorlari, madaniyat bo’limlarining chiqishlari o’tkaziladi.

Kech soatlarda “Onalarga ehtirom” festivali viloyat bosqichi g’oliblarini taqdirlash marosimi bilan birga yurtimizning eng taniqli san'atkorlari ishtirokida gala-kontsert ham bo’lib o’tadi.

Barcha farg’onaliklarni hamda viloyatimiz mehmonlarini Marg’ilon shahridagi “Ijodkorlar bog’i”ga, "Onalarga ehtirom" festivali tantanalarida ishtirok etishga taklif qilamiz!

Bizni ijtimoiy tarmoqlarda kuzating
Facebook, Telegram, Facebook, YouTube, Instagram