1. Bosh sahifa

VILOYAT HOKIMI XITOYLIK INVESTORLARNI QABUL QILDI

×

Viloyat hokimi Xayrullo Bozorov Xitoyning Jianhua Ceramics kompaniyasi rahbari Vu Xon Tsyan boshchiligidagi xitoylik investorlarni qabul qildi.

Uchrashuvda Jianhua Ceramics tomonidan “Qo’qon” EIZ hududida amalga oshirilayotgan keramika mahsulotlari va kafel ishlab chiqarish bo’yicha yirik investitsion loyihaning borishi muhokama qilindi. Ushbu loyihaga xitoylik investorlarning 50 mln. dollar to’g’ridan-to’g’ri investitsiyasi yo’naltirilgan bo’lib, hozirgacha 40 mln. dollarlik ishlar olib borildi.

Loyihani har tomonlama qo’llab-quvvatlanayotgani uchun minnatdorchilik bildirgan Jianhua Ceramics rahbari Vu Xon Tsyan, hozirda Xitoydan ishlab chiqarish uskunalari keltirilib, mutaxassislar tomonidan o’rnatilayotganligini ma'lum qildi. Xom ashyo masalasini hal etilishida viloyat rahbaridan ko’mak so’radi. 

Viloyat rahbari ushbu masala bo’yicha tegishli vazirlik bilan bog’langan holda hal etilishini bildirdi.

Uchrashuvda shuningdek, turli yo’nalishlarda viloyatga investitsiya kiritishga qiziqish bildirayotgan xitoylik katta ishbilarmonlar guruhini tashrifini tashkillash bilan bog’liq masalalar bo’yicha ham fikr almashildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram