1. Бош сахифа

МАРҒИЛОН ШАҲРИДА ВИЛОЯТ ҲОКИМИ ХАЙРУЛЛО БОЗОРОВНИНГ ВИЛОЯТ ЁШЛАРИ БИЛАН УЧРАШУВИ БЎЛИБ ЎТДИ

×

Вилоят секторлари раҳбарлари ҳам иштирок этган тадбирда вилоятимизнинг барча шаҳар ва туманларидан келган ёшлар ўз масалалари ва таклифлари бўйича улар билан мулоқотда бўлди.

Вилоят ҳокими Хайрулло Бозоров ёшлар тараққиётнинг кучи, мамлакатнинг бунёдкорлари эканлигини таъкидлаб, ҳар бир ёш ҳаётда муваффақиятга, мақсадларига эришишида билим, ўз устида ишлаб ҳаракат қилиши кераклигини билдирди. Бугунги кунда ёш авлоднинг таълим олиши, хусусан, миллий қадриятларга асосланган тарбиясининг ўзига хос жиҳатларига эътибор қаратиб, ташаббускорлик, ижтимоий масъулият, ватанпарварлик улар учун муҳим бўлишини айтиб ўтди.

Вилоят ҳокими билан мулоқотда бўлган ёшлар доривор ўсимлик етиштириш бўйича кооперация ташкил этиш, пойабзал ишлаб чиқариш цехини кенгайтириш, хусусий клиника очиш, эшик, дераза ва ром ишлаб чиқаришни янада кенгайтириш учун банк кредити ажратиш, чим устида хоккей спорти фаолиятини кенгайтириш ҳамда спорт анжомлари ва моддий техник базасини янгилаш, ёшлар маркази биносини тўлиқ таъмирлаш каби таклифларни илгари суришди.

Хайрулло Бозоров ёшлар томонидан билдирилган таклиф ва ташаббуслар, тадбиркорлик фаолиятини йўлга қўйган ёш тадбиркорларнинг тармоқларидаги юзага келаётган масалаларини бирма-бир тинглади. Ёшларда ғоя ва ташаббуслар кўплиги, улар томонидан ҳам янги иш ўринлари яратилаётганлиги таъкидланиб, бугунги учрашувда билдирилган ҳар бир таклиф ва масалалар масъуллар томонидан ҳал этилиши маълум қилинди.

Бизни ижтимоий тармоқларда кузатинг
Facebook, Telegram, Facebook, YouTube, Instagram