1. Bosh sahifa

XALQ DEPUTATLARI FARG’ONA VILOYAT KENGASHINING NAVBATDAGI YETMISH BIRINCHI SESSIYASI BO’LIB O’TDI

×

Viloyat hokimligida videokonferentsaloqa shaklida o’tgan sessiya ishida viloyatdan saylangan Oliy Majlis Senati a'zolari, Xalq deputatlari viloyat Kengashi deputatlari, kun tartibiga kiritilgan masalalarga aloqador davlat va jamoat tashkilotlari rahbarlari ishtirok etdilar.

Sessiya kun tartibiga ko’ra, dastlab viloyatda reproduktiv salomatlikni ta'minlash borasida 2024 yilning 9 oyi mobaynida amalga oshirilgan ishlar hamda joriy yil yakuniga qadar ko’riladigan chora-tadbirlar yuzasidan viloyat sog’liqni saqlash boshqarmasi boshlig’i Bobur Primqulovning hisoboti eshitildi.

Viloyat kambag’allikni qisqartirish va bandlik bosh boshqarmasi boshlig’i Jahongir Jumanov Prezidentimizning 2024 yil 9 yanvardagi qarori ijrosi bo’yicha olib borilayotgan ishlar haqida axborot berdi. Viloyatda joriy yilda yangi ish o’rinlarini tashkil etish va aholi bandligiga ko’maklashish dasturi loyihasi hamda loyihada nazarda tutilgan maqsadli ko’rsatkichlar sessiya ishtirokchilari e'tiborida bo’ldi.

Sessiya davomida viloyat mahalliy byudjetining joriy yilning 3-chorakdagi ijrosi ham muhokama qilindi.

Sessiyada ko’rilgan masalalar yuzasidan savol-javoblar o’tkazilib, bildirilgan fikr-mulohazalar va takliflar asosida xalq deputatlari viloyat kengashining tegishli qarorlari qabul qilindi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram